امریکا کے نومنتخب صدر ڈونلڈ ٹرمپ نے خلیج میکسیکو کا نام خلیج امریکا رکھنے جبکہ کینیڈا کے خلاف اقتصادی طاقت استعمال کرنے کی دھمکی دے دی۔

غیر ملکی میڈیا رپورٹس کے مطابق حلف برادری سے قبل فلوریڈا میں پریس کانفرنس کے دوران ڈونلڈ ٹرمپ نے خبردار کیا کہ اگر میکسیکو اور کینیڈا نے غیر قانونی امیگریشن اور منشیات اسمگلنگ نہ روکی تو وہ ان پر 25 فیصد ٹیرف لگا دیں گے۔

ٹرمپ کا کہنا تھا لکہ کینیڈا کو بھولنا نہیں چاہیے کہ اس کا دفاع امریکا کرتا ہے۔

علاوہ ازیں ٹرمپ نے ڈنمارک پر محصولات لاگو کرنے پر بھی غور کرنے کا مطالبہ کیا، کہا قومی سلامتی کے مقاصد کے لیے گرینڈ لینڈ بھی امریکا کو ملنا چاہیے۔

نو منتخب صدر ٹرمپ کو حلف اٹھانے سے قبل سزا سنانے کی تاریخ کا اعلان

نومنتخب صدر نے نیٹو ممالک سے مطالبہ کیا کہ وہ اپنا دفاعی بجٹ دوگنا کریں۔

اس کے ساتھ ہی ٹرمپ نے پانامہ نہر حاصل کرنے کے لیے فوجی اقدامات کرنے کا بھی عندیہ دیا ہے، انہوں نے کہا کہ پانامہ نہر ہماری فوج کے لیے بنائی گئی تھی، امریکا نے پانامہ نہر وسطی ملک پانامہ کو دی لیکن اس نے غلط استعمال کیا اور نہر کو چین کے حوالے کردیا گیا۔

امریکا نے شام پر پابندیاں جزوی طور پر نرم کر دیں

ڈونلڈ ٹرمپ نے بائیڈن کو بھی نشانہ بناتے ہوئے مزید کہا کہ یوکرین تنازع کو ہوا دی گئی جس کے ذمہ دار بائیڈن ہیں۔ چھ ماہ کے اندر یوکرین جنگ ختم ہو جائے گی۔

ٹرمہ کا کہنا تھا کہ ترک صدر طیب اردوان میرے دوست ہیں انہیں پسند کرتا ہوں۔ پریس کانفرنس میں ڈونلڈ ٹرمپ نے کیپٹل ہل پر حملے میں ملوث فسادیوں کو معافی دینے کا بھی ادارہ ظاہر کردیا۔