اسلام آباد کے نجی تعلیمی ادارے موسم سرما کی تعطیلات ختم ہونے کے بعد کل 6 جنوری سے دوبارہ کھلیں گے۔

وفاقی دارالحکومت اسلام آباد میں نجی تعلیمی اداروں کے کھلنے کا نوٹیفکیشن پرائیویٹ ایجوکیشنل انسٹیٹیوشنز ریگولٹری اتھارٹی نے جاری کردیا ہے۔

پرائیویٹ اسکول ایسوسی ایشن کے سیکریٹری جنرل عبدالوحید خان کا کہنا ہے کہ دھرنوں اور مظاہروں کی وجہ سے بچوں کا کافی وقت ضائع ہو چکا ہے، اس لیے چھٹیوں میں مزید توسیع نہیں ہوگی۔

پنجاب اور اسلام آباد کے نجی تعلیمی اداروں میں موسم سرما کی تعطیلات میں مزید اضافہ

عبدالوحید کا کہنا تھا کہ والدین سے ہدایات کی گئی ہےکہ وہ بچوں کو گرم یونیفارم، جیکٹ یا سویٹر پہنا کر اسکول بھیجیں، بڑھتی مہنگائی کے باعث نجی اسکولز کی انتظامیہ نے والدین کے جیب پر اضافی بوجھ نہ ڈالنے کے لیے یہ فیصلہ کیا ہے۔

واضح رہے کہ پرائیوٹ ایجوکیشنل انسٹی ٹیوشنز ریگولیٹری اتھارٹی نے وفاقی دارالحکومت کے نجی تعلیمی اداروں میں موسم سرما کی چھٹیوں کا اعلان کیا تھا۔

آزاد کشمیر کے اسکولوں میں موسم سرما کی تعطیلات میں اچانک اضافہ

نوٹفیکیشن کے مطابق نجی اسکول اور کالج 21 دسمبر سے 5 جنوری تک موسم سرما کی تعطیلات کے سلسلے میں بند رہیں گے، کل 6 تاریخ سے وفاقی دارالحکومت کے نجی تعلیمی اداروں میں دوبارہ تعلیمی سرگرمیوں کا آغاز ہوجائے گا۔