پاکستان کرکٹ ٹیم کے سابق کپتان شعیب ملک نے پاکستان سپر لیگ (پی ایس ایل) کے 10 ویں ایڈیشن میں کراچی کنگز سے راہیں جدا کرنے کا اعلان کردیا۔

سماجی رابطے کے پلیٹ فارم ایکس (ٹوئٹر) پر ایک پوسٹ میں شعیب ملک کا کہنا تھا کہ ان کا کراچی کنگز کے ساتھ سفر اختتام پذیر ہو گیا ہے اور اب پہلی مرتبہ پی ایس ایل ڈرافٹ کا حصہ بننے کے لیے منتظر ہیں۔

شعیب ملک نے اپنے پیغام میں کہا کہ فرنچائز اور ساتھیوں کے ساتھ کھیلنے کا تجربہ بڑا شاندار رہا، 2 سیزن میں مینجمنٹ نے مجھے بہت سپورٹ کیا۔

سابق کپتان شعیب ملک نے ٹیم کے تمام کھلاڑیوں کے لیے نیک خواہشات کا بھی اظہار کیا۔