آئی جی اسلام آباد علی ناصر رضوی کو تبدیل کیے جانے کا امکان ہے، پنجاب میں تعینات 3 افسران کے ناموں پر غور کیا جارہا ہے۔

ذرائع کے مطابق آئی جی اسلام آباد علی ناصررضوی کو تبدیل کیے جانے کا امکان ہے، نئے آئی جی اسلام آباد کے لیے 3 نئے ناموں پر غور جاری ہے۔

ذرائع نے بتایا کہ پنجاب میں تعینات 2 سینئر اور ایک جونیئرافسر کے نام زیر غور ہیں۔

واضح رہے کہ 29 مارچ کو حکومت نےانسپکٹر جنرل (آئی جی) اسلام آباد اکبر ناصر کا تبادلہ کرتے ہوئے انہیں اسٹیبلشمنٹ ڈویژن رپورٹ کرنے کی ہدایت کی تھی۔

وفاقی سیکریٹری داخلہ، آئی جی اسلام آباد تبدیل

اکبر ناصر جان کی جگہ علی ناصر رضوی کو انسپکٹر جنرل (آئی جی) پولیس اسلام آباد تعینات کردیا گیا تھا۔

رپورٹ کے مطابق پولیس سروس گریڈ 20 کے اکبر ناصر خان کو اسٹیبلشمنٹ ڈویژن رپورٹ کرنے کی ہدایت کی گئی تھی۔

اسٹیبلشمنٹ ڈویژن نے آئی جی اسلام آباد کے تبادلے کا نوٹیفیکیشن جاری کردیا تھا۔