اسکول میں غیر اخلاقی فلمیں دیکھنے والے استاد نے پکڑے جانے کا سارا غصہ طالب علم پر نکال دیا۔

بھارتی میڈیا رپورٹس کے مطابق انڈیا کے شہر جھانسی کے نجی سکول میں ٹیچر نے 8 سالہ بچے کو مار مار کر زخمی کر دیا۔ بچے نے استاد کو اپنے موبائل فون پر فحش ویڈیوز دیکھتے ہوئے دیکھا تھا۔

رپورٹ کے مطابق شاگرد کو جب پتہ چلا کہ اس کے ٹیچر غیراخلاقی فلمیں دیکھ رہے ہیں تو وہ ہنسے لگا جس پر کلدیپ یادو نامی اسکول ٹیچر نے بچے پر تشدد کرنا شروع کر دیا۔

فحش مواد دیکھنے کیلئے ’پاسپورٹ‘ متعارف

بچے نے اسکول ٹیچر کی شکایت اپنے والد کو کی تو وہ پولیس اسٹیشن جا پہنچے جہاں انہوں نے بتایا کہ ٹیچر نے ان کے بچے کے بال کھینچے، اس کا سر دیوار سے مارا جس کے باعث اس کے کان میں چوٹیں آئیں۔

بچے کے والد نے پولیس کو مزید بتایا کہ استاد نے بچے کو گالم گلوچ بھی کی اور چھڑی سے تشدد کا نشانہ بنایا۔

فحش مواد پر پیوٹن کا دلچسپ تبصرہ

فلائٹ کے دوران اسکرینوں میں غیر اخلاقی فلم چل پڑی، بند کرانا عذاب

بعد ازاں پولیس نے والد کی شکایت پر اسکول ٹیچر کے خلاف مقدمہ درج کرلیا جس کے بعد پولیس نے ملزم کو حراست میں لے کر تفتیش شروع کر دی۔