گورنر سندھ کامران ٹیسوری کی جانب سے مہاجر کلچرل ڈے کے انعقاد کے اعلان کے بعد ایم کیو ایم پاکستان نے بھی جواب دے دیا

متحدہ قومی موومنٹ پاکستان کے رہنماوں نے پریس کانفرنس کرتے ہوئے گورنر سندھ کے اقدام کو سراہا اور یقین دہانی کرائی کہ ایم کیو ایم پاکستان کے تمام رہنما مہاجر کلچرل ڈے میں شریک ہوں گے۔

گورنر سندھ کا 24 دسمبر کو مہاجر کلچر ڈے منانے کا اعلان

اس موقع پر ڈاکٹر خالد مقبول صدیقی کا کہنا تھا کہ شہر میں تمام قومیتوں کو یکجا ہونے کا موقع ملا ہے، ہمارا پیغام ہے کہ آپ ہمیں تسلیم کریں ہم آپ کو تسلیم کریں گے۔

ایم کیو ایم رہنماؤں نے کارکنوں کو مہاجر کلچر ڈے کی بھرپور تیاری کی ہدایت بھی کی ہے۔

علاوہ ازیں ایم کیو ایم پاکستان کے چیئرمین ڈاکٹر خالد مقبول صدیقی نے کہا ہے کہ کراچی میں بلدیاتی نمائندے فیل ہو چکے ہیں، شہر نے کبھی کسی کے خلاف بات نہیں کی۔

انہوں نے 24 دسمبر کو مہاجر کلچر ڈے منانے کا اعلان بھی کیا۔