پاکستان تحریک انصاف (پی ٹی آئی) اور حکومت کے درمیان مذاکراتی عمل میں پیش رفت جاری ہے، آج علی امین گنڈاپور کی بانی پی ٹی آئی عمران خان سے اڈیالہ جیل میں ملاقات کا امکان ہے، مذاکراتی کمیٹی کے ارکان کو بھی اڈیالہ میں ملاقات اجازت ملنے کے امکان ہے۔

پی ٹی آئی ذرائع نے بتایا کہ ذاکراتی کمیٹی کے اراکین کی عمران خان سے جمعہ کو ملاقات کا متوقع ہے۔

عمران خان کی درخواست پر عدالت کا بڑا فیصلہ، ویڈیو لنک پر پیشی کا نوٹیفکیشن کالعدم قرار

وکیل فیصل چوہدری نے اڈیالہ جیل انتظامیہ کو بانی پی ٹی آئی کی جانب سے مذاکراتی کمیٹی سے ملاقات کے لیے درخواست دے دی ہے۔

مذاکراتی کمیٹی میں اپوزیشن لیڈر عمر ایوب، وزیراعلیٰ کے پی علی امین گنڈاپور، اسد قیصر، حامد خان، ایڈووکیٹ سلمان اکرم راجا، علامہ راجا ناصر عباس اور حامد رضا خان شامل ہیں۔

اتوار تک مطالبات تسلیم نہ ہوئے تو اوورسیز پاکستانیوں کو ترسیلات زر روکنے کی کال دیں گے، عمران خان

بانی پی ٹی آئی کے وکیل فیصل چوہدری کا کہنا ہے کہ ملک کی موجودہ صورت حال مذاکرات کی متقاضی ہے، مذاکراتی عمل ثبوتاز نہیں ہونا چاہیے۔

ان کا کہنا تھا کہ اپوزیشن لیڈر کو بھی بانی پی ٹی آئی سے ملاقات کی اجازت ملنی چاہیے۔