Aaj News

جمعرات, جنوری 16, 2025  
15 Rajab 1446  

ایوان صدر کے مدارس بل اعتراض میں فیٹیف کا ذکر، عطا تارڑ اور بیرسٹر عقیل میں سے ایک جھوٹا ہے، حافظ حمداللہ

اسی پارلیمنٹ کی فیصلے کو تم نہیں مانتے جس پارلیمنٹ نے مدارس بل پاس کیا، حافظ حمد اللہ
شائع 15 دسمبر 2024 03:23pm

جمیعت علماء اسلام (ف) کے رہنما حافظ حمد اللہ نے وفاقی وزیر اطلاعات عطا اللہ تارڑ کے بیان پر جواب دیتے ہوئے کہا ہے کہ بیرسٹر عقیل نے تسلیم کیا ایوان صدر نے مدارس بل پر فیٹیف کا ذکر کیا ہے، مگر عطا تارڑ کہتے ہیں کہ فیٹیف کا ذکر نہیں ہے، سوال یہ ہے کہ تم دونوں میں سے غلط بیانی کرنے والا کون ہے؟

حافظ حمد اللہ نے کہا کہ میں اب بھی کہہ رہا ہوں کہ ایوان صدر نے مدارس بل پر اعتراضات میں فیٹیف کا ذکر کیا ہے، عطا تارڑ ہمیں آئین قانون اور پارلمینٹ کی احترام کا درس نہ دیں، کیونکہ اسی پارلیمنٹ کی فیصلے کو تم نہیں مانتے جس پارلیمنٹ نے مدارس بل پاس کیا۔

آپ میں اتنی ہمت نہیں کہ اگلی کال دے سکیں، عطا تارڑ کا علی امین گنڈاپور کو جواب

حافظ حمد اللہ نے مزید کہا کہ آپ اور آپ کی پارٹی نے اسی بل کو ووٹ بھی دیا اور ووٹ سے انحراف بھی کیا، ووٹ کو عزت دو کے نعرے کا احترام اس طریقے سے کیا جاتا ہے؟

ان کا کہنا تھا کہ قوم اور عوام فیصلہ کرے کہ حکمرانوں کہنے اور کرنے میں کتنا تضاد ہے۔

JUIF

hafiz hamdullah

Madaris Registration Bill