وزیرِ اطلاعات پنجاب عظمیٰ بخاری نے کہا ہے کہ پی ٹی آئی کارکنوں کے مجرم علی امین اور بشریٰ بی بی ہیں۔

عظمیٰ بخاری نے ایک پریس کانفرنس میں کہا کہ حالیہ مظاہرہ تحریک انصاف کی آخری ناکام بغاوت تھی، جتھوں سے وفاق پر چڑھائی کرنے سے این آر او نہیں ملتے۔

انہوں نے کہ کہ پی ٹی آئی کی موجودہ لیڈر شپ بزدلی کے آخری درجے پر فائز ہے، کارکنوں کو چھوڑ کر بھاگنے والے کس منہ سے کارکنوں کا دم بھر رہے۔

بانی پی ٹی آئی کی زندگی کو کوئی خطرہ نہیں، رانا ثنا اللہ

وزیرِ اطلاعات پنجاب کا کہنا تھا کہ اپنی ذلت، بدنامی کو فیک نیوز، افواہوں کے پیچھے چھپا رہے ہیں، عالمی میڈیا نےدیکھا کارکنوں نےڈنڈے مارے، پتھراؤ کیا۔

7 دسمبر کو دوبارہ اسلام آباد احتجاج کی خبر درست نہیں، شیخ وقاص اکرم

عظمیٰ بخاری کا مزید کہنا تھا کہ جنھیں شرم سےڈوب مرنا چاہیے وہ پھر بھڑکیں مار رہے، بانی پی ٹی آئی کی جماعت ختم کرنے کے لیے بشریٰ بی بی کافی ہے، شدت پسند، انتشاری ٹولہ دوبارہ اسلام آباد کا رخ کرنے کی غلطی نہیں دھرائے گا۔