بورے والا میں بچے کے لیے دودھ گرم کرتے ہوئے سلنڈر سے اچانک آگ لگ جانے سے میاں بیوی اپنے دو معصوم بیٹوں کے ہمراہ جھلس کر جاں بحق ہو گئے۔ میتیں گھر پہنچی تو کہرام برپا ہو گیا، رشتہ دار اور اہل محلہ غم سے نڈھال ہیں۔

ذرائع کے مطابق بورےوالا میں محنت کش دانش کے گھر قیامت ٹوٹ پڑی شیر خوار بیٹے کے لیے دودھ گرم کرتے ہوئے گیس لیکج کے باعث آگ نے کمرے کو اپنی لپیٹ میں لے لیا حادثہ میں دانش اور اسکی بیوی اپنے دو معصوم بیٹوں کے ہمراہ جھلس کر جاں بحق ہو گئے۔

لاشیں گھر پہنچی تو کہرام برما ہو گیا اہل محلہ اور رشتہ دار غم سے نڈھال ہیں دانش کا بوڑھا باپ کپکپاتے کمزور بدن کے ساتھ جوان بیٹے،بہوں اور دو پوتوں کے جنازوں کو کندھا دے گا۔

اہلیان محلہ کا کہنا ہے کہ گیس کی لوڈ شیڈنگ کے باعث چھوٹے سلنڈر والے چولہوں میں گیس ری فل کروائی جاتی ہے جس کے باعث ایسے حادثات رونما ہوتے ہیں شہریوں نے گیس کی لوڈشیڈنگ کے خاتمہ کا بھی مطالبہ کیا ہے۔