اسلام آابد میں ڈی چوک کے قریب موجود تحریک انصاف کے قاقفلے میں شامل مظاہرین نے وزیراعلیٰ خیبرپختونخوا علی امین گنڈاپور کو احتجاج چھوڑ کر کہیں بھی جانے سے روک دیا ہے۔

خیبرپختونخوا سے آنے والا پی ٹی آئی کا قافلہ سیونتھ ایوینیو پر کلثوم انٹرنیشنل اسپتال کے سامنے موجود ہے۔ بشریٰ بی بی اور علی امین گنڈاپور کا کنٹینر بھی اسی مقام پر ہے۔

اس دوران وزیراعلیٰ خیبرپختونخوا علی امین گنڈاپور کو لینے کیلئے ایک گاڑی پہنچی۔

’خان کو لئے بغیر ڈی چوک سے نہیں نکلوں گی‘، بشریٰ بی بی نے کارکنان سے بھی حلف لے لیا

نجی ٹی وی کے مطابق علی امین گنڈاپورکو کسی ضروری کام سے کہیں جانا ہے۔

تاہم مظاہرین نے وزیراعلیٰ خیبرپختونخوا کو کنٹینر چھوڑ کر کہیں بھی جانے سے روک دیا۔

کارکنان نے ڈی چوک کے نعرے لگائے اور علی امین گنڈاپور کو تنقید کا نشانہ بناتے ہوئے کہا کہ اس بار آپ کو بھاگنے نہیں دیں گے۔