چیمپئنز ٹرافی 2025 پر خاموشی چھا گئی، پاکستان کرکٹ بورڈ (پی سی بی) کےبعد انٹرنیشنل کرکٹ کونسل (آئی سی سی) نے بھی بھارتی میڈیا کے دعوے کی تردید کردی۔

ترجمان آئی سی سی کے مطابق منگل کو کوئی بورڈ میٹنگ شیڈول نہیں، چیمپئنز ٹرافی پر کوئی پیش رفت ہوئی تو میڈیا کو آگاہ کردیا جائے گا۔

یاد رہے کہ بھارتی میڈیا نے کچھ روز قبل 26 نومبر بروز منگل کو آئی سی سی کی جانب سے ہنگامی اجلاس طلب کرنے کا دعویٰ کیا تھا۔

بھارتی میڈیا کا کہنا تھا کہ میٹنگ میں بھارت اور پاکستان کرکٹ بورڈ کے ممبران شریک ہوں گے، اس دوران چیمپئنز ٹرافی کے مستقبل کا فیصلہ کیا جائے گا۔

پی سی بی پہلے ہی ایسی کسی میٹنگ سے لاعلمی ظاہر کر چکا تھا۔