آسٹریلیا کے خلاف سیریز کا پہلا ٹی ٹوئنٹی میچ پاکستان ہارگیا مگر اس میں بھی سابق کپتان بابر اعظم نے دو ریکارڈ توڑ ڈالے۔ برسبین میں بابراعظم نے اپنے کریئر کا 124 واں ٹی ٹوئنٹی میچ کھیل کر شعیب ملک کا ریکارڈ توڑا۔ ساتھ ہی ساتھ انہوں نے فخر زمان کا 50 کیچ لینے کا ریکارڈ بھی توڑ ڈالا۔

بارش سے متاثرہ میچ کو سات اوورز تک محدود کردیا گیا تھا۔ آسٹریلیا نےاس میچ میں پاکستان کو 29 رنز سے شکست دی۔ دی گابا اسٹیڈیم میں پہلے بیٹنگ کرتے میزبان ٹیم نے سات اوورز میں 94 رنز اسکور کیے۔ گلین میکسویل نے 43 اور مارکس اسٹوئنس نے 21 رنز اسکور کیے۔

جواب میں قومی کرکٹ ٹیم سات اوورز میں صرف 65 رنز اسکور کر پائی۔ وکٹیں وقفے وقفے سے گرتی رہیں اور کوئی بھی کھلاڑی جم کر بیٹنگ نہ کرسکا۔