پشاور کے علاقے چمکنی سے لڑکی کو اغواء کرنے والے خواجہ سرا کو پولیس نے گرفتار کر لیا۔

پولیس کے مطابق مغوی لڑکی کو خواجہ سراء کے گھر سے بازیاب کرا لیا گیا ہے۔

رپورٹ کے مطابق افتخار نامی خواجہ سرا نے سوشل میڈیا پر مدرسے کی طالبہ سے دوستی قائم کی پھر اس کو شادی کے جھانسے میں پھنسا کر اپنے گھر بلا لیا۔

پولیس کے مطابق خواجہ سرا پیشے کے لحاظ سے نرس ہے، 22 اکتوبر کو لڑکی کے لاپتہ ہونے کی رپورٹ پشاورکے تھانے چمکنی میں درج ہوئی تھی۔

پشاور کے نامور خواجہ سرا کی برہنہ ویڈیو وائرل

پولیس نے لڑکی کا بیان ریکارڈ کرنے کے بعد اسے دارالعلوم منتقل کر دیا جبکہ گرفتار خواجہ سرا اغوا کار سے پولیس کی جانب سے تفتیش شروع کر دی گئی ہے۔