بھارتی اداکارہ اور سوشل میڈیا انفلوئنسر ثنا سلطان کے نکاح کی تقریب مدینہ منورہ میں ہوئی نکاح کی تصاویر سوشل میڈیا پر وائرل ہیں۔

بگ باس او ٹی ٹی 3 سے شہرت حاصل کرنے والی اداکارہ ثنا سلطان نے محمد واجد سے نکاح کیا ہے۔ ان کے نکاح کی تقریب مدینہ منورہ میں ہوئی۔ سادگی سے کی گئی اس تقریب میں قریبی عزیزواقارب نے شرکت کی۔

شادی کے 4 مہینے بعد سوناکشی سنہا کا صبر ٹوٹ گیا، ویڈیووائرل

ثنا سلطان نے اپنی شادی کی تقریب کی تصاویر اپنے انسٹاگرام اکاؤنٹ پر شیئر کی ہیں اور ساتھ ہی طویل کیپشن بھی لکھا۔

اداکارہ نے اپنی پوسٹ میں اپنے شوہر کے بارے میں زیادہ کچھ نہیں بتایا مگر چند الفاظ کے ذریعے اپنی خوشی کا بھرپور اظہار کیا۔

انہوں نے لکھا کہ الحمداللّٰہ! میں عاجزی اور خوشی کے ساتھ شیئر کر رہی ہوں کہ مجھے مدینہ جیسی پاکیزہ اور مقدس جگہ پر اپنے واجد جی کے ساتھ نکاح کی سعادت حاصل ہوئی ہے۔

ثنا نے مزید لکھا کہ دوست سے زندگی کے ساتھی بننے کا ہمارا سفر محبت، صبر اور ایمان کا ثبوت ہے۔

اداکارہ کو ان کے دوستوں اور مداحوں کی جانب سے مبارکبادیں دینے کا سلسلہ بھی جاری ہے، اس کےعلاوہ متعدد سوشل میڈیا اسٹارز نے بھی اداکارہ کو نکاح کی مبارکباد دی۔

تصاویر کے علاوہ ثنا سلطان نے اپنے نکاح کی ویڈیو بھی شیئر کی ہے۔