وزیراعلیٰ بلوچستان میر سرفراز بگٹی نے کہا ہے کہ ہمیں پولیو مہم کی آؤٹ ریچ 38 سے بڑھا کے 60 فیصد تک لے جانا ہے۔ اس سلسلے میں انسداد پولیو مہم کیلئے 6 ہزار لیڈی ہیلتھ ورکرز کی خدمات بھی بروئے کار لائی جائیں گی ۔

کوئٹہ میں پولیو جائزہ اجلاس کی صدارت کرتے ہوئے وزیراعلیٰ نے صوبے سے پولیو کے خاتمے کیلئے 10 روز میں جامع روڈ میپ تیار کرنے اور محکمہ ہیلتھ کی تمام افرادی قوت کو بروئے کار لانے کی بھی ہدایت کی۔

بھارت سے پاکستان کی طرف آلودہ ہوائیں آنے سے اے کیو آئی بڑھا، عظمیٰ بخاری

میر سرفراز بگٹی نے ہدایات جاری کرتے ہوئے کہا کہ تمام اضلاع میں نیشنل الیکٹرونک ایمونائزیشن رجسٹریشن کا ٹاسک جلد مکمل کیا جائےاورایک ایک بچے تک جی پی ایس کے زریعے رسائی بھی ممکن بنائی جائے۔

انسداد پولیو مہم کے معائنے کیلئے نیوٹرل مانیٹرنگ سسٹم بھی متعارف کروائے جائیں گے۔