خیبرپختونخوا کے ضلع مانسہرہ میں شدید برف باری کے باعث گٹی داس کے مقام پر پھنسی سیاحوں کی گاڑی کوریسکیو کرلیا گیا جبکہ گاڑی میں سوار 5 سیاحوں کو ریسکیو کرکے محفوظ مقام پر منتقل کردیا گیا۔

تفصیلات کے مطابق مانسہرہ پولیس کے جوان سخت موسم اور برف باری کے دوران بھی سیاحوں اور عوام کی خدمت میں پیش پیش رہے، شدید برفباری کے دوران مانسہرہ کے سیاحتی مقام گٹی داس میں پشاور سے آئے سیاح پھنس گئے تھے۔

مقامی پولیس کے جوانوں نے فوری طور پر گاڑی میں سوار 5 سیاحوں کو ریسکیو کرکے محفوظ مقام پر منتقل کردیا اور پھر ان کی پھنسی ہوئی گاڑی کو نکال کر بحفاظت منزل مقصود کی طرف روانہ کیا۔

سیاحوں نے مانسہرہ پولیس کی جانب سے ملنے والی بہترین خدمات پر اس کے افسران اور جوانوں کو زبردست الفاظ میں خراج تحسین پیش کیا۔