لاہور ہائیکورٹ نے اسموگ کے تدارک کے لیے دائر درخواستوں کی گزشتہ سماعت کا تحریری حکم نامہ جاری کر دیا۔

لاہور ہائیکورٹ کے جسٹس شاہد کریم نے اسموگ کے تدارک کے لیے شہری ہارون فاروق سمیت دیگر کی درخواستوں پر 2 صفحات پر مشتمل تحریری حکم جاری کیا۔

جوڈیشل کمیشن کی رپورٹس کے مطابق اسکول ایجوکیشن ڈیپارٹمنٹ کو بچوں کے لیے بسز کی فراہمی کے لیے مزید 2 ہفتوں کا وقت دیا جاتا ہے، دھوئیں کے حوالے سے کسی پالیسی کے بغیر چلنے والے انڈسٹری یونٹس کو مسمار کر دیا گیا ہے، فصلوں کی باقیات جلانے والوں کے خلاف متعلقہ انتظامیہ نے کاروائیاں کی ہیں۔

عدالت نے تحریر کیا کہ سکولز ایجوکیشن ڈیپارٹمنٹ کو بچوں کو بسز کی فراہمی کے لیے مزید دو ہفتوں کا وقت دیا جاتا ہے۔

حکم نامے کے مطابق سرگودھا اور فیصل آباد میں آلودگی پھیلانے والے یونٹس کے حوالے سے محکمہ ماحولیات نے کمیٹی تشکیل دے دی ہے، ایل ڈی اے کی جانب سے ٹولنٹن مارکیٹ لاہور کی بہتری کے لیے پلان عدالت میں جمع کروایا گیا ہے، جس کے مطابق ٹولنٹن مارکیٹ کی مکمل اپگریڈیشن کی جائے گی۔

عدالت نے اسموگ کے تدارک کے لیے مختلف محکموں سے رپورٹس طلب کرتے ہوئے سماعت کل یکم نومبر تک ملتوی کر دی