سانگھڑ میں جھول تھانے کی حدود میں پسند کی شادی نا کرانے پر ملزم نے طیش میں آکر اپنا ہی گھر اجاڑ دیا۔ ملزم نے فائرنگ کرکے اپنی ماں، دو بہنوں اور بہنوئی کو قتل کردیا۔

واقعہ جھول تھانےکی حدود علی جان مری میں پیش آیا۔ پولیس نےلاشوں کو پوسٹ مارٹم کیلئے اسپتال منتقل کردیا۔ علاوہ ازیں ڈی ایس پی سانگھڑ نے بتایا کہ ملزم کی گرفتاری کیلیےچھاپے مارےجارہےہیں۔

پولیس کے مطابق ملزم نے فائرنگ کرکے اپنی ماں کنکا، دو بہنوں دھڑکی اور رادھا اور بہنوئی ریجھو کو گھر کے فائرنگ کرکے موت کی نیند سلادیا۔

ڈی ایس پی پرویز اختر نے کہا کہ ملزم اپنوں میں شادی کرنا چاہتا تھا لیکن گھر والے نہیں مان رہے تھے کیونکہ بھیل برادری کے لوگ اپنوں میں شادی نہیں کرواتے۔

انہوں نے بتایا کہ نوجوان طیش میں آکر ان کو قتل کیا ملزم کی گرفتاری کیلیے چھاپے مارے جارہے ہیں۔