لاڑکانہ میں کبوتر چوری کے الزام میں گرفتار 20 سالہ نوجوان کی لاش پولیس لاک اپ سے برآمد ہوئی ہے، ورثاء نے احتجاجی مظاہرہ کرتے ہوئے پولیس کا نوجوان پر تشدد کرنے کا الزام عائد کیا ہے۔

لاڑکانہ شہر کے لب مہران کے رہائشی ساحل سولنگی کو پڑوسی کی شکایت پر ولید تھانہ پولیس نے دو روز قبل گرفتار کر کے لاک اپ میں بند کردیا تھا، جہاں سے نوجوان کی لاش برآمد ہوئی ہے۔

کیش لے کر جانیوالے دو افراد ڈکیتی مزاحمت پر جاں بحق

اطلاع پر ورثاء نے پولیس کے خلاف احتجاجی مظاہرہ کرتے ہوئے بتایا کہ پڑوسی کی جانب سے کبوتر چوری کے الزام میں پولیس نے بیٹے کو گرفتار کیا اور پھراسے تشدد کا نشانہ بناکر اس پر ظلم کیا ہے۔

دوسری جانب ولید تھانہ پولیس کا کہنا ہے کہ گرفتار ملزم پرکبوترنہیں گھر میں چوری کی ایف آئی آر درج ہے۔ پولیس ذرائع کے مطابق ساحل لاک اپ میں اکیلا تھا جب اس نے واش روم کی کھڑکی سے زاربن باندھ کر خودکشی کی ۔

لاش کا پوسٹ مارٹم کروایا جا رہا ہے۔ ورثاء کا کہنا ہے کہ پولیس نے ہمیں آج اطلاع دی ہے۔