افغانستان اے ٹیم نے پہلی بار ایمرجنگ ٹی 20 ایشیا کپ کے فائنل میں سری لنکا کی اے ٹیم کو 7 وکٹوں سے شکست دے کر ٹرافی اپنے نام کرلی۔

افغانستان اے ٹیم نے 134 رنز کا ہدف 18.1 اوورز میں 3 وکٹوں کے نقصان پر حاصل کرلیا، صدیق اللہ اتل نے 55 رنز کی ناقابل شکست اننگز کھیلی۔

قبل ازیں عمان کے شہر الامارات میں ہونے والے ایمرجنگ ٹی 20 ایشیا کپ کے فائنل میں سری لنکا اے ٹیم نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 7 وکٹوں کے نقصان پر 133 رنز بنائے۔

سری لنکا کی جانب سے سہان آرا چیگے 64 رنز کے ساتھ نمایاں رہے۔