ایک طرف امریکا کے صدارتی انتخابات کیلئے قبل از وقت ووٹنگ کا سلسلہ جاری تو دوسری جانب امریکی صدارتی انتخابات میں ڈونلڈ ٹرمپ کی کامیابی کے امکانات بڑھ گئے ہیں۔

برطانوی جریدے ”دی اکانامسٹ“ کے مطابق، دو ماہ میں پہلی بار ری پبلکن صدارتی امیدوار کی حمایت میں اضافہ ہوا ہے۔

امریکی انتخابات میں ڈونلڈ ٹرمپ کی جیت غزہ جنگ ختم کرسکتی ہے، اسرائیلی اخبار

پولز کے مطابق، اگست تک ڈیموکریٹس امیدوار کمالا ہیرس کو غیر جانبدار اور تھرڈ پارٹی ووٹرز کی وجہ سے برتی حاصل تھی، اب ری پبلکن کی طرف مائل ووٹرز ٹرمپ کے پیچھے کھڑے ہورہے ہیں، جس نے ٹرمپ کی جیت کے امکانات کو آٹھ فیصد تک بڑھادیا ہے۔

علاوہ ازیں، امریکا کے صدارتی انتخابات کیلئے مزید نو ریاستوں میں قبل ازوقت ووٹنگ ہوئی۔

ان نو ریاستوں میں ٹیکساس، فلوریڈا، جنوبی کیرولائنا، الاسکا، آرکنسا، کولوراڈو، کنیٹیکٹ، ایڈاہو اور شمالی ڈکوٹا شامل ہیں۔

امریکی صدر بننے کی چاہ نے ٹرمپ کو فرنچ فرائیز بیچنے پر مجبور کردیا

امریکا میں عام انتخابات پانچ نومبر کو ہوں گے، صدارتی انتخابات میں ریپبلکن امیدوار ڈونلڈ ٹرمپ اور ڈیموکریٹ حریف کملا ہیرس کے درمیان کانٹے کا مقابلہ متوقع ہے۔