گھوٹکی میں اوباڑو شہرمیں دو فریقین میں معمولی تلخ کلامی سے شروع ہونے والے جھگڑے میں ڈنڈے اور اینٹوں کے استعمال سے مجموعی طور پر8 افراد زخمی ہوگئے۔

پولیس کے مطابق دو کی حالت نازک ہے جبکہ جھگڑا اوباڑو شہر کے مین روڈ پر رند اور کوری برادری کے درمیان معمولی سی بات پرتلخ کلامی پر ہوا۔

پولیس کے مطابق فریقین نے بیچ شہر میں ایک دوسرے پر ڈنڈے اور اینٹوں کا آزدانہ استعمال کیا ، جھگڑے میں 8 افراد زخمی ہو گئے جن کو تحصیل اسپتال اوباڑو منتقل کیا گیا جس میں سے دو افراد کی حالت تشویشناک ہونے کے باعث رحیم یار خان اسپتال ریفر کر دیا گیا۔

پولیس نے رپورٹ درج کر لی ہے پولیس کا کہنا ہے کہ مزید تفتیش کی جا رہی ہے۔