فرانسیسی صدر ایمانوئل ماکروں نے اسرائیل کے وزیر اعظم بنجمن نیتن یاہو کو باور کراتے ہوئے کہا ہے کہ انہیں بھولنا نہیں چاہئیے، اسرائیل اقوام متحدہ کی قرارداد کے نتیجے میں ہی وجود میں آیا تھا۔

فرانسیسی صدر ایمانوئل ماکروں منگل کو کابینہ کو بتایا کہ اسرائیلی وزیر اعظم بنجمن نیتن یاہو کو یہ نہیں بھولنا چاہیے کہ ان کا ملک اقوام متحدہ کی طرف سے منظور کی گئی قرارداد کے نتیجے میں وجود میں آیا۔ انہوں نے اسرائیل پر زور دیا کہ وہ اقوام متحدہ کے فیصلوں کی پابندی کرے۔

فرانس کے اسرائیل کو اسلحہ فراہمی روکنے کے مطالبے پر نیتن یاہو کی تنقید

ماکروں نے ہفتہ وار فرانسیسی کابینہ کے اجلاس میں نومبر 1947 میں اقوام متحدہ کی جنرل اسمبلی کی طرف سے فلسطین کو یہودی ریاست اور ایک عرب ریاست میں تقسیم کرنے کے منصوبے پر منظور کی گئی قرارداد کا حوالہ دیا۔

ماکروں نے کہا، اس لیے یہ وقت اقوام متحدہ کے فیصلوں کو نظر انداز کرنے کا نہیں ہے۔