سابق ایم پی اے شہریار شر کی گاڑی پر ڈاکوؤں نے حملہ کر دیا۔ فائرنگ کے نتیجے میں2 ساتھی جاں بحق جبکہ 2 زخمی ہو گئے۔

گھوٹکی رونتی کچے میں سابق ایم پی اےشہریارشرکی گاڑی پر ڈاکوؤں کے حملے کے نتیجے میں شہریار شر کے دو ساتھی علی محمد شر اور عمر خان شر جاں بحق ہو گئے ، جبکہ فائرنگ میں دو افراد زخمی بھی ہوئے خوش قسمتی سے شہریارشر معجزانہ طور پر محفوظ رہے۔

اطلاع پر پولیس کی بھاری نفری جائے وقعہ پر پہنچی اور شہریار شر کو بکتر بند گاڑی کے ذریعے کچے سے نکال کر محفوظ مقام پر منتقل کر دیا کیا ہے۔

لاشوں کو تحصیل اسپتال اوباڑو منتقل کر دیا گیا ، جبکہ زخمیوں کو رحیم یار خان اسپتال منتقل کیا گیا ہے ، پولیس کا کہنا ہے کہ حملہ آور کون تھے اور حملہ کیوں کیا گیا اس کی مزید تفتیش کی جارہی ہے