کبیر والا کے تھانہ نواں شہر کی حدود میں حوا کی دوبیٹیوں کو غیرت کے نام پر قتل کردیا گیا۔ جوتہ کسی میں اقرا کو ماموں زاد بھائی نے جبکہ موضع ممدال میں خدیجہ کو شوہر نے غیرت کے نام پر موت کے گھاٹ اتار دیا۔

موضع ممدال میں آہیر بیلہ کی رہائشی خدیجہ بی بی کو اس کے شوہر نے اس رنجش پر قتل کر دیا کہ وہ اس سے ناراض ہو کر اپنے والدین کے پاس چلی گئی تھی اور اسے شک تھا کہ میکے میں کسی غیر مرد سے مقتولہ خدیجہ کے ناجائز تعلقات ہیں۔

دو معصوم بچوں کے قاتل کو 2 مرتبہ سزائے موت اور جرمانے کی سزا

دوسری جانب جوتہ کسی کی رہائشی 17 سالہ اقرا کو اس کے ماموں زاد بھائی نے نور نے غیرت کے نام پر موت کے گھاٹ اتاردیا۔ اقرا نے 5 ماہ قبل اپنے بہنوئی کے ساتھ فرار ہوکر شادی کی تھی اور وہ 5 روز قبل ہی گھر آئی تھی۔

پولیس نے نعشوں کو پوسٹ مارٹم کے لیے تحصیل ہیڈ کوارٹر ہسپتال منتقل کر دیا گیا۔

پولیس ذرائع کے مطابق ملزمان کی گرفتاری کے لئے ٹیمیں تشکیل دیکرمختلف مقامات پر چھاپے مارے جارہے ہیں۔

کبیر والا میں آئے روزغیرت کے نام پر قتل کی بڑھتی ہوئی وارداتوں سے علاقہ کے لوگوں میں شدید تشویش پائی جاتی ہے۔