عالمی شہرت یافتہ مبلغِ اسلام ڈاکٹر ذاکر نائیک کی پاکستان آمد اور شاندار خیرمقدم پر مودی سرکار ایسے ردِعمل کا اظہار کر رہی ہے جیسے اُس کی بہت بڑی توہین ہوگئی ہو۔ ایک طرف مودی سرکار سیخ پا ہے اور دوسری طرف بھارتی میڈیا نے بھی واویلا برپا کرنا اور زہر اگلنا شروع کردیا ہے۔

اس دورے کے حوالے سے طرح طرح کی اٹکل بازی کی جارہی ہے۔ یہ بھی کہا جارہا ہے کہ ڈاکٹر ذاکر نائیک پاکستان کو مستقل مستقر بھی بناسکتے ہیں۔

بھارتی وزارتِ خارجہ کے ترجمان بھارت جائیسوال نے کہا ہے کہ ڈاکٹر ذاکر نائیک کا پاکستان کا دورہ اور وہاں ہونے والی آؤ بھگت افسوس ناک ہے تاہم حیرت انگیز نہیں۔

میڈیا سے گفتگو میں بھرت جائیسوال نے کہا کہ ابھی یہ واضح نہیں کہ آیا وہ بھارتی پاسپورٹ پر پاکستان گئے ہیں۔ ترجمان کا کہنا تھا کہ جب ملائیشیا کے وزیرِاعظم بھارت آئے تھے تب اُن سے ڈاکٹر ذاکر نائیک کے بارے میں بات ہوئی تھی۔

ملائیشین وزیرِاعظم نے کہا تھا کہ جب تک ڈاکٹر ذاکر نائیک کے قیام سے ملائیشین معاشرے کے لیے کوئی مشکل پیدا نہیں ہوتی تب تک انہیں نکالنے کا کوئی جواز نہیں۔

مودی سرکار سے کچھ اور تو ہو نہیں سکا اس لیے بھارت میں ڈاکٹر ذاکر نائیک کے ایکس اکاؤنٹ کو معطل کروادیا ہے۔ اب اگر کوئی شخص بھارت سے اُن کے ایکس اکاؤنٹ کو وزٹ کرنا چاہے تو پیغام ملتا ہے کہ یہ اکاؤنٹ قانونی تقاضے کے طور پر معطل کردیا گیا ہے۔

کیا ہوگیا ہے اس ملک کو! ڈاکٹر ذاکر نائیک کا اسٹیج چھوڑنے کی ویڈیو پر وضاحت

سینیر تجزیہ کار وویک شکلا نے کہا ہے کہ پاکستان نے ڈاکٹر ذاکر نائیک کو سرکاری طور پر مدعو کرکے اچھا نہیں کیا۔ اس سے دوطرفہ تعلقات میں مزید کشیدگی پیدا ہوگی۔ ان کا کہنا ہے کہ ڈاکٹر ذاکر نائیک متعدد مقدمات میں بھارت کو مطلوب ہیں۔

تقریب کے دوران ڈاکٹر ذاکر نائیک اسٹیج چھوڑ کر چلے گئے

یاد رہے کہ بھارت میں حال ہی میں وقف ترمیمی بل منظور کیا گیا ہے جس پر شدید تنقید کرنے والوں میں ڈاکٹر ذاکر نائیک بھی شامل ہیں۔ انہوں نے ایکس پر ایک پوسٹ میں لکھا تھا کہ اس نئے ترمیمی قانون کے تحت مسلمانوں سے مساجد، مدارس، قبرستان اور ہزاروں ایکڑ زمین چھین لی جائے گی۔