برصغیر کے طاقتور ترین پنجابی حکمران رنجیت سنگھ کی گوجرانوالا میں واقع جنم بھومی مناسب دیکھ بھال نہ ہونے کے باعث ویران اور کھنڈر میں تبدیل ہوچکی ہے۔

یہ ہے سکھ مہا راجہ رنجیت سنگھ کی آبائی حویلی اور اس کی جنم گاہ، راجہ رنجیت سنگھ یہاں دربار لگاتا؛ امور سلطنت انجام دیتا اوررعایا کے معاملات سنتا لیکن آج یہ تاریخی حویلی منتظر ہے کہ کوئی اس کے مسائل کی طرف بھی توجہ دے

سکھ دور میں انتہا ئی اہمیت کی حامل یہ حو یلی جہاں پرکئی سا لوں تک سلطنت پنجاب کے اہم فیصلے ہوتے رہے، آج ویرانی اورسنا ٹے کا منظر پیش کر رہی ہے۔ رنجیت سنگھ کی جا ئے پیدائش کے کمرے سمیت پو ری حو یلی ٹو ٹ پھوٹ کا شکار ہے ، انتظامیہ کی عدم تو جہی کے با عث کھنڈر میں تبدیل ہوتی یہ حویلی کسی بھی وقت زمین بو س ہوسکتی ہے۔

اپنے دور حکومت میں متعدد علاقے فتح کرنے والے شیر پنجاب کی حویلی کے بڑے حصے پر اب خود قبضہ ہوچکا ہے۔ متعلقہ اداروں کی بے حسی کے باعث حویلی راجہ رنجیت سنگھ کھنڈر میں تبدیل ہوچکی ہے۔ شہریوں کا کہنا ہے کہ؛ اس حویلی کی تزئین وآراش کرواکر اسے بہترین سیاحتی مقام بنایا جاسکتا ہے۔