حزب اللہ کے رہنما حسن نصراللہ کے لبنان کے شہر بیروت میں اسرائیلی فضائی حملے میں شہادت کے بعد متعدد عراقی والدین نے اپنے نوزائیدہ بچوں کے نام ان کے نام پر رکھ لیے۔

غیر ملکی میڈیا رپورٹس کے مطابق عراق کی وزارت صحت کے مطابق حسن نصراللہ کی شہادت کے بعد سے عراق میں 100 سے زائد بچوں کے نام نصراللہ رکھ دیے گئے۔

متعدد ذرائع ابلاغ نے رپورٹ کیا کہ وزارت نے عراق کے مختلف علاقوں میں 100 سے زائد بچوں کی پیدائشوں کا اندراج کیا ہے۔

حزب اللہ کے سربراہ حسن نصر اللہ کون تھے؟

واضح رہے ایرانی حمایت یافتہ لبنانی عسکری تنظیم حسب اللہ کے رہنما نصراللہ کو جمعہ کے روز بیروت کے جنوبی مضافاتی علاقے میں ایک بڑے اسرائیلی فضائی حملے میں شہید کردیا گیا تھا۔

حسن نصر اللہ کی موت کے بعد ان کے اکاؤنٹ سے متعدد ٹوئٹ جاری، آخری الفاظ کیا تھے؟

حزب اللہ کے 64 سالہ قائد حسن نصر اللہ 31 اگست 1960 کو لبنان کے دارالحکومت بیروت کے مشرقی علاقے برج حمود میں پیدا ہوئے تھے، ان کے والد عبد الکریم نصراللہ ایک چھوٹے سبزی فروش تھے اور حسن نصراللہ اپنے والدین کے 9 بچوں میں سب سے بڑے تھے۔

حسن نصراللہ کی قیادت میں حزب اللہ نے عسکری محاذ پر کامیابیاں سمیٹنے کے بعد لبنانی سیاست میں بھی قدم جمائے۔