امیر جماعت اسلامی حافظ نعیم الرحمان نے ملین مارچ کا اعلان کردیا۔

اپنے بیان میں امیر جماعت اسلامی حافظ نعیم الرحمان نے کہا کہ غزہ میں ہزاروں لاشیں ملبے کے اندر موجود ہیں، غزہ کے لوگوں کو خراج تحسین پیش کرتے ہیں، تمام مسلم ممالک کو غزہ کے ساتھ کھڑا ہوجانا چاہیئے تھا۔

امیر جماعت اسلامی نے ملین مارچ کا اعلان کرتے ہوئے کہا کہ اس پورے ہفتے میں بڑے مارچ اور جلسے کریں گے، کراچی اور اسلام آباد میں بڑا ملین مارچ کریں گے، حکومتیں کام نہیں کریں گی تو ان پر دباؤ ڈالیں گے۔

حافظ نعیم الرحمان نے مزید کہا کہ 7 اکتوبر کو دوپہر 12بجے عوام سڑکوں پر نکلیں، ہم غزہ کے لیے لڑ نہیں سکتے لیکن سڑکوں پر نکل کر پیغام تو دے سکتے ہیں، فلسطین کا معاملہ ایسا ہے جو پاکستان کی بنیاد میں ہے۔