جنوب مشرقی جزیرے جربا کے ساحل پر تارکین وطن کی ایک کشتی الٹنے کے بعد 12 تیونسی باشندوں کی لاشیں ملی ہیں جن میں تین بچے بھی شامل ہیں۔

میڈینائن کی عدالت کے ترجمان فیتھی باکوچ نے اے ایف پی کو بتایا کہ کشتی صبح کے وقت روانہ ہوئی، واقعہ میں 29 افراد کو بچا لیا گیا۔ انہوں نے مزید کہا کہ مرنے والوں میں پانچ مرد اور چار خواتین شامل ہیں اور ڈوبنے کی وجہ معلوم نہیں ہو سکی۔

تیونس کے نیشنل گارڈ نے کہا کہ چار تارکین وطن تیر کر واپس ساحل پر پہنچے اور ان کی فراہم کردہ اطلاع پر ریسکیو عملے الرٹ ہوا۔

ریڈیو Tataouine نے بتایا کہ کشتی میں تقریباً 60 مسافر سوار تھے۔ یہ واضح نہیں ہے کہ کتنے لاپتا ہیں۔ تیونس کے ذرائع ابلاغ کا کہنا ہے کہ تارکین وطن شمالی جربا کے جزیرہ نما راس رمیل ہاچنا سے روانہ ہوئے تھے اور اطالوی جزیرے لیمپیڈوسا جا رہے تھے۔