حزب اللہ کے رہنما حسن نصراللہ کی بیٹی زینب نصراللہ حزب اللہ کے ٹھکانوں پر اسرائیلی فضائی حملے میں شہید ہوگئیں۔

اسرائیلی میڈیا کے مطابق حزب اللہ کے ہیڈکوارٹر پر ہونے والے فضائی حملے میں حسن نصر اللہ کی بیٹی زینب نصراللہ شہید ہوگئیں ہیں تاہم حزب اللہ یا لبنانی حکام نے زینب نصراللہ کی شہادت کی تصدیق نہیں کی۔

اسرائیلی میڈیا کے مطابق زینب حسن نصر اللہ لبنان میں حزب اللہ کی حمایت اور اپنے خاندان کی قربانیوں کیلئے ایک مضبوط آواز کے طور پر پہچان رکھتی ہیں۔ وہ اپنے بھائی، ہادی کی شہادت پر عوامی سطح پر بات کرتی تھیں، ان کے بھائی ہادی کو انیس سو ستانوے میں اسرائیلی فورسز نے شہید کیا تھا۔

ایک انٹرویو میں زینب نصراللہ نے اپنے بھائی ہادی کی شہادت پر کہا ان کا خاندان اس شہادت پر غمزدہ ہونے کے بجائے اس پر فخر کرتا ہے۔ ہادی کی شہادت پر میرے والدین کی آنکھوں سے ایک میں آنسو نہیں ٹپکا تھا بلکہ والدہ تو بھائی کی شہادت کو حیات بعد از مرگ مانتی ہیں۔