بانی پی ٹی آئی عمران خان کی بہن علیمہ خان نے کہا ہے کہ گینگ آف تھری کیلئےآئینی ترامیم کی جارہی ہے، ایکسٹینشن دینے کا مطلب چوروں کو تحفظ دینا ہے۔

راولپنڈی میں میڈیا سے گفتگو علیمہ خان کا کہنا تھا یہ آئینی ترمیم کرکے آئین کو معطل کرنا چاہتے ہیں، جنہوں نے ووٹ چوروں کو تحفظ دیاہےان پرآرٹیکل6لگناہے، گینگ آف تھری کیلئےآئینی ترامیم کی جارہی ہے جس کا مقصد چوروں کو تحفظ دینا ہے۔

انھوں نے کہا کہ آئینی ترمیم کاسارا معاملہ قاضی فائزکے گرد گھوم رہا ہے اور اس کے لئے ہمیں اب اپنے گھروں سے نکلنا ہوگا، ہمیں جمہوریت اور عدلیہ کی آزادی کیلئے نکلنا ہے۔

علیمہ خان نے کہا کہ حکومت این او سی نہیں دیتی،اس لئےاحتجاج کریں گے، یہ ہرجلسےکی اجازت مویشی منڈی کی دیتے ہیں، یہ عوام کو مویشی سمجھتے ہیں اس لئے ایسا کررہے ہیں، منڈیوں میں جلسےکی اجازت دےکریہ انسانیت کی تذلیل کرتےہیں۔