سوشل میڈیا استعمال کرنے پر خیبر پختونخوا پولیس نے پشاور اور شانگلہ میں 63 پولیس اہلکاروں کو شوکاز نوٹس جاری کردیے۔

خیبرپختونخوا پولیس سوشل میڈیا استعمال کرنے والے پولیس اہلکاروں کے خلاف متحرک ہوگئی، ڈی پی او شانگلہ نے سوشل میڈیا کے استعمال پر 63 پولیس اہلکاروں کو شوکاز نوٹس جاری کر دیے۔

دستاویزات کے مطابق سینٹرل پولیس آفس نے پولیس افسران اور اہلکاروں کو سوشل میڈیا کے استعمال سے منع کیا تھا تاہم احکامات کی تعمیل نہ کرنے اور سوشل میڈیا اکاؤنٹ کے استعمال پر نوٹس جاری کیے گئے ہیں۔

ایڈیشنل آئی جی کراچی کا پولیس افسران و اہلکاروں کو نامناسب مواد ہٹانے کا حکم

ڈیوٹی کے دوران سوشل میڈیا استعمال کرنے پر 6 پولیس اہلکار معطل

پولیس ذرائع کے پشاور میں بھی 20 پولیس اہلکاروں سے سوشل میڈیا استعمال پر جواب طلب کیا گیا ہے جبکہ حکام کی جانب سے پولیس سوشل میڈیا پالیسی کے خلاف ورزی پر 3 دن میں سوشل میڈیا اکاؤنٹس ڈیلٹ کرنے کے احکامات بھی جاری کیے گئے ہیں۔

نوٹس میں ایس ایس پی کورآرڈینشن کی جانب سے کہا گیا ہے کہ سوشل میڈیا اکاونٹس ختم نہ کرنے پر کارروائی ہوگی۔