اسلام آباد ہائی کورٹ نے بانی پی ٹی آئی عمران خان کی ممکنہ ملٹری حراست اور ٹرائل روکنے کی درخواست نمٹا دی۔

عمران خان کی کی ممکنہ ملٹری حراست اور ٹرائل روکنے کی درخواست پر جسٹس میاں گل حسن اورنگزیب نے سماعت کی۔ دوران سماعت ایڈیشنل اٹارنی جنرل نے اسلام آباد ہائیکورٹ کو آگاہ کیا ہے کہ ابھی تک وفاقی حکومت نے سابق چیئرمین پی ٹی آئی کے ملٹری ٹرائل کا فیصلہ نہیں کیا۔

ایڈیشنل اٹارنی جنرل منوراقبال دوگل اورنمائندہ وزارت دفاع عدالت میں پیش ہوئے۔ ایڈیشنل اٹارنی جنرل نے کہا کہ جب ملٹری ٹرائل کرنا ہوا تورول 549کے تحت پروسیجرکوفالو کیا جائے گا۔

وفاقی حکومت کے جواب پر عدالت نے بانی پی ٹی آئی کی درخواست نمٹا دی۔