پی ٹی آئی چیئرمین بیرسٹر گوہر کے اس بیان کے بعد کہ بانی پی ٹی آئی عمران خان کی ہدایت پر 28 ستمبر کا جلسہ کرے گی، پی ٹی آئی نے راولپنڈی میں جلسے کے لیے درخواست دے دی۔

پی ٹی آئی رہنماؤں کی جانب سے ڈپٹی کمشنر کو جلسے کی اجازت کے لیے درخواست دی گئی جس میں کہا گیاکہ پی ٹی آئی لیاقت باغ یا بھاٹہ چوک میں جلسہ کرنا چاہتی ہے۔

چوہدری امیرافضل نے جلسہ کیلئےدرخواست جمع کروا دی۔ ڈپٹی کمشنر آفس نے جلسے کی اجازت کے لیے پی ٹی آئی کی درخواست وصول کرلی ہے۔ واضح رہے کہ حال ہی میں پی ٹی آئی نے لاہور اور اسلام آباد میں جلسہ کیا تھا۔