نائب وزیراعظم اور وزیر خارجہ اسحٰق ڈار کے بعد سیکریٹری خارجہ آمنہ بلوچ کا دورہ امریکا منسوخ ہوگیا۔

ذرائع کے مطابق ںیویارک میں اقوام متحدہ کی جنرل اسمبلی اجلاس میں شرکت کیلئے نائب وزیراعظم اسحٰق ڈار کا دورہ امریکا کل منسوخ ہوا جبکہ سیکریٹری خارجہ آمنہ بلوچ کو آج صبح روانہ ہونا تھا۔

ذرائع کے مطابق ایس سی او اجلاس کی تیاریوں سےمتعلق سیکرٹری خارجہ پاکستان میں رہیں گی۔ وزیراعظم شہباز شریف آج سہ پہر روانہ ہونگے، وزیراعظم لندن سے 23 ستمبر کو نیویارک پہنچیں گے۔