لبنان میں پیجرز کے بعد ریڈیو دھماکوں اور غزہ میں اسرائیل کے بڑھتی ہوئی جارحیت کے باوجود امریکا سعودی عرب سے اسرائیل کو تسلیم کرنے کی کوشش میں مصروف ہے۔

امریکی محکمہ خارجہ کے ترجمان میتھیو ملر نے کہا ہے کہ چاہتےہیں سعودی عرب اور اسرائیل کے درمیان تعلقات قائم ہوجائیں، سعودی عرب اوراسرائیل میں معاہدہ دونوں ریاستوں کے مفاد میں ہے۔

انہوں نے کہا کہ دوریاستی حل سمیت سعودی عرب کو درپیش چیلنجوں سے آگاہ ہیں، ہرگزرتےدن کےساتھ اسرائیل کے ساتھ تعلقات کی شرائط کو پورا کرنا مشکل ہو رہا ہے، غزہ میں جنگ بندی سمیت دیگر اہداف حاصل کرنے کی کوشش کر رہے ہیں۔

علاوہ ازیں ترجمان پینٹاگون نے واضح کیا کہ مشرق وسطیٰ میں امریکی فوجی پوزیشن میں کوئی تبدیلی نہیں آئی، مشرق وسطیٰ میں کشیدگی میں کمی کیلئے کوششیں جاری رکھے ہوئے ہیں۔

لبنان کی سرحد پر لڑائی میں 2 اسرائیلی ہلاک، پیجر دھماکوں پر حسن نصر اللہ کی دھمکی

سبرینا سنگھ نے کہا کہ امریکا نہیں چاہتا کہ لبنان پیجردھماکوں کے بعد تنازعات پھیلے، غزہ میں جنگ بندی معاہدے کا اب بھی امکان ہے۔