بانی پی ٹی آئی کی ہمشیرہ علیمہ خان نے کہا ہے کہ انسداد دہشت گردی عدالت کے تمام ججز کے تبادلوں کے لیے مریم نواز حکومت اور اسٹیبلشمنٹ ہے۔

لاہور میں میڈیا سے بات کرتے ہوئے انہوں نے کہا کہ انصاف کاسسٹم یہ ہےکہ ہرحاضری پر پیش ہونا پڑتا ہے، عدالت نےڈی آئی جی کو طلب کیا مگر وہ مصروف ہیں، ڈی آئی جی پیش نہیں ہوتے توجج صاحب انہیں جیل میں ڈالیں۔

علیمہ خان نے کہا کہ اے ٹی سی کے تمام ججز کو تبدیل کر دیا گیا ہے، تبادلوں کے پیچھے مریم نواز حکومت اور اسٹبلشمنٹ ہے، بانی پی ٹی آئی نے کہا ہے کہ میری فکر نہ کریں۔

انہوں نے کہا کہ ان کا پیغام ہے کہ تمام لوگ اپنی حقیقی آزادی کی فکر کریں، ابھی بھی پی ٹی آئی کےایم این ایز کو اٹھایا جا رہا ہے، بانی پی ٹی آئی یہی کہہ رہے کہ میرا مینڈیٹ واپس کریں، مگر بات چیت کی بجائے ہمیں دھوکا دیا گیا۔