پشاور میں کمسن بچوں کی نازیبا ویڈیوز بنانے میں ملوث ملزم کو عالمی ادارے کی رپورٹ پر گرفتار کر لیا۔

پولیس کے مطابق ملزم کو ایبٹ آباد سے گرفتار کیا گیا جس کی شناخت محمد مسکین کے نام سے ہوئی ہے، ملزم کمسن بچوں کے جنسی استحصال میں ملوث پایا گیا، جس کے خلاف کارروائی عالمی ادارے کی رپورٹ کے تحت عمل میں لائی گئی۔

پولیس کا کہنا ہے کہ ملزم نازیبا ویڈیوز آن لائن شئیر کرنے میں بھی ملوث ہے، چھاپہ مار کاروائی میں 04 موبائل فونز، لیپ ٹاپ، سی پی یو اور انٹرنیٹ ڈیوائس برآمد کر لی گئی جن میں بچوں کے ساتھ جنسی زیادتی کی 497 تصاویر اورویڈیوز شامل تھیں۔