حافظ آباد : عدالت کے حکم پر پولیس نے صدر آصف علی زرداری کے خلاف نازیبا الفاظ استعمال کرنے والے شخص کے خلاف مقدمہ درج کرلیا۔

ایف آئی آر کے مطابق راجا چوک پر شہری ذوالفقار علی بٹ دکاندار نے صدر پاکستان کے خلاف نازیبا الفاط استعمال کیے، جس پر وہاں موجود ماسٹر ثاقب نامی شہری نے متعلقہ شخص کو ایسا کرنے سے منع کیا تو ملزم نے پسٹل کا بٹ مار کر انھیں زخمی کیا۔

رانا ثناء اللہ نے عمران خان کو ’اسرائیلی سیاسی برانڈ‘ قرار دے دیا

پی پی پی کے سیکرٹری جنرل نے اس واقعے کے بعد عدالت میں درخواست دائر کی۔ دلائل سننے بعد عدالت نے پولیس کو ملزم کے خلاف مقدمہ درج کرنے کا حکم دیا۔

کسی صورت زمینوں پر قبضے کی اجازت نہیں دوں گا، صدر آصف زرداری

پیپلزپارٹی حافظ آباد کے ضلعی سیکرٹری جنرل اور بار کے سابق صدر محمد ارشد ایڈووکیٹ کی جانب سے تھانہ سٹی میں مقدمہ درج کرایا گیا۔