لیاری جنرل اسپتال کے کالج آف نرسنگ برائے طلبہ کی خاتون پرنسپل کو ہراساں کرنے کا معاملہ پر ڈاکٹرز، نرسز، پیرامیڈیکل نے لیاری جنرل اسپتال اسپتال کے مختلف شعبوں کو بند کرادیا ۔

اطلاعات کے مطابق تمام او پی ڈیز بند ہونے سے مریض شدید پریشان ہیں جبکہ متعدد آپریشن ملتوی ہونے کا امکان بھی پیدا ہو گیا ہے جس نے مریضوں کی مشکلات بڑھا دی ہیں۔

ملازمین نے کہا کہ آئے روز کالج آف نرسنگ برائے طلبہ میں شرپسند طلبہ مسائل پیدا ہوتے ہیں پرنسپل نے طلبہ کے ڈاکومنٹ ویری فیکیشن کی ہدایت کی تو طلبہ اشتعال میں آگئے۔

احتجاجی ملازمین نے مطالبہ کیا ہے کہ خاتون پرنسپل کو ہراساں کرنے اور گالیاں دینے والے طلبہ کو گرفتار کیا جائے۔ گزشتہ روز چاکیواڑہ میں مقدمہ درج کرایا لیکن ملوث افراد کو گرفتار نہیں کیا گیا۔