دبئی میں واقع برج خلیفہ دنیا کی بلند ترین عمارت ہے۔ اب دبئی دنیا کی دوسری بلند ترین عمارت کی میزبانی کے لیے بھی کوشاں ہے۔

یاد رہے کہ برج عزیزی کا سنگِ بنیاد جنوری 2024 میں رکھا گیا تھا۔ تب عمارت سے متعلق تفصیلات جاری نہیں کی گئی تھیں کیونکہ حکام کی طرف سے گرین سگنل ملنے کا انتظار کیا جارہا تھا۔

برج عزیزی کو عزیزی ڈیویلپمںٹس نامی کمپنی تیاری کر رہی ہے۔ اس نے بتایا ہے کہ یہ عمارت 725 میٹر بلند ہوگی۔

کمپنی کے چیئرمین عزیزی نے امریکی میڈیا کو بتایا کہ دو ڈیزائن تیار کیے گئے تھے۔ دوسرے ڈیزائن کی منظوری کے بعد کام شروع کردیا گیا ہے۔

برج عزیزی میں 131 منزلیں ہوں گی۔ اس میں اپارٹمنٹس کے علاوہ سیون اسٹار لگژری ہوٹل بھی ہوگا اور ایک 7 منزلہ شاپنگ مال بھی شامل ہوگا۔ یہ عمارت ورلڈ ٹریڈ سینٹر نامی علاقے میں بنائی جارئے گی اور برجِ خلیفہ سے اس کی بلندی 340 فٹ کم ہوگی۔