ملکی میدان مکمل تیار نہ ہونے کی وجہ سے پاک انگلینڈ کرکٹ سیریز متحدہ عرب امارات کے شہر ابوظہبی منتقلی کا امکان بڑھ گیا۔

پاکستان کرکٹ بورڈ (پی سی بی) انگلینڈ کے خلاف 3 ٹیسٹ میچوں کی سیریز ابوظہبی منتقل کرنے پر غور کر رہا ہے، آپریشنل اور لاجیسٹک اخراجات زیادہ ہونے کی وجہ سے ٹیسٹ پنڈی یا ملتان منتقل ہو سکتا ہے، فیصلہ نومبر میں ہوگا۔

آئندہ برس چیمپئنز ٹرافی 2025 کے لیے میزبان تینوں اسٹیڈیم میں اپ گریڈیشن کا کام جاری ہے۔

ذرائع کے مطابق پی سی بی نے اسٹیڈیم کی اپ گریڈیشن کی بنا پر ٹیسٹ سیریز ابوظہبی کے شیخ زید النہینان اسٹیڈیم میں منعقد کرانے کی تجویز دی ہے لیکن آپریشنل اخراجات زیادہ ہونے کی وجہ سے سیریز ابوظہبی میں ہونے کے امکانات بہت کم نظر آرہے ہیں۔

قوی امکان ہے کہ کراچی ٹیسٹ راولپنڈی یا ملتان میں منتقل کردیا جائے، ٹیسٹ سیریز میں شرکت کے لیے مہمان انگلش ٹیم نے 2 اکتوبر کو پاکستان پہنچنا ہے اور سیریز کے میچز ملتان، راولپنڈی اور کراچی میں ٹیسٹ میچز شیڈول ہیں۔