نیب لاہور نے پرائم زون اسکینڈل میں 125 کروڑ کی کرپشن کیس میں اہم ملزمان کو گرفتار کرلیا۔ ملزمان میں ندیم انور اور فہیم انجم شامل ہیں۔ ڈی جی نیب لاہور کا کہنا ہے کہ عوام سے متعلقہ تمام کیسزنیب کی اولین ترجیہات میں شامل ہیں۔

نیب لاہور کے مطابق کھلی کچہری میں ملزمان کیخلاف شکایات پر کریک ڈاؤن کے احکامات جاری ہوئے، پرائم زون انتظامیہ کیخلاف جاری تحقیقات میں تاحال 1800 سے زائد شکایات موصول ہوچکی، پرائم زون انتظامیہ سادہ لوح شہریوں کو ماہانہ بھاری منافع کا لالچ دےکر خطیر رقوم بٹورتے رہے۔

اس حوالے سے نیب لاہور نے مزید بتایا کہ ملزمان نے ایل پی جی گیس بزنس میں انویسٹمنٹ کے نام پر مہم چلائی اورمتاثرین سے رقوم اکھٹی کی، نیب لاہور انویسٹی گیشن ٹیم اس سے قبل دو ملزمان مفتی رضوان اور شہزاد احمد کو گرفتار کر چکی ہے۔