پی ٹی آئی کے سینیٹر شبلی فراز نے کہا ہے کہ یہ حکومت دو تین ہفتے کی مہمان ہے۔

پینل آف چیئرعرفان صدیقی کی زیر صدارت سینیٹ کے اجلاس میں انہوں نے ایوان میں وزرا کی عدم حاضری پر گہرے دکھ کا اظہار کیا اور کہا کہ اس وقت ایوان میں ایک وزیر موجود نہیں ہے، یہ حکومت دو تین ہفتے کی مہمان ہے لیکن اس کا مطلب نہیں کہ وہ کام کرنا چھوڑ دیں۔

انہوں نے کہا کہ وزرا کی کرسیاں خالی ہیں، ہم صرف دیواروں سےبات کریں گے؟ کوئی وزیرتوہو بات سننے کیلئے، اگرآپ سمجھتے ہیں کہ ہم کورم کی نشاندہی کریں گےتو ایسا نہیں ہوگا۔

شبلی فراز نے کہا کہ ہم کورم کی نشاندہی نہیں کریں گے اوریہی بیٹھیں گے۔