وزیراعلیٰ سندھ سید مراد علی شاہ نے کہا ہے کہ بجلی کے بلوں سے سب پریشان ہیں، اس وقت ملک میں توانائی کا بحران ہے، حکومت سندھ 2 لاکھ سول پینل تقسیم کررہی ہے۔

انہوں نے کہا کہ سولرسسٹم پیکج میں ایک پلیٹ،ایک پنکھا اور 3بلب شامل ہیں، سولر سسٹم میں80 یا 100واٹ کی پلیٹیں شامل ہیں۔

وفاقی حکومت کو کئی بارکہہ چکے ہیں کہ کچھ کرے، ہمارے پاس پالیسی بنی ہوئی ہے وفاق صرف ہمارامنشورپڑھ لے،پن بجلی اور شمسی توانائی کا استعمال بھی ہمارےمنشورمیں ہے۔

ان کا کہنا تھا کہ تھر کے کوئلے سے سستی بجلی پیدا کی جاسکتی ہے، ویسٹ انرجی پراجیکٹ سےبجلی کی جاسکتی ہے، دوسرےلوگ صرف سوچ رہےہوتےاورہم عملدرآمد کردیتےہیں، وفاق کےپلانٹس امپورٹڈ فیول سےچل رہےہیں۔