کراچی کے علاقے شاہ لطیف ٹاؤن میں ڈکیتی مزاحمت پرڈاکؤں نے نوجوان کو گولی مار کر جان لے لی جس کے بع رواں سال کراچی میں لوٹ مار کی وارداتوں کے دوران جاں بحق افراد کی تعداد 90 ہوگئی ہے۔

پولیس کے مطابق مقتول واقعے کے وقت گھرکے قریب ہوٹل سے واپس گھرکی جانب جارہا تھا اس دوران ڈاکووں نےعقیل سےلوٹ مارکی کوشش کی۔

لواحقین نے بتایا کہ عقیل کا موبائل گھر پرتھا جبکہ پرس جیب میں موجود تھا اور مقتول چاربھائیوں میں تیسرے نمبرپرتھا۔ انہوں نے بتایا کہ مقتول گارمینٹس فیکٹری میں ملازم تھا۔ رواں سال کراچی میں لوٹ مارکی وارداتوں کےدوران جاں بحق افرادکی تعداد90ہوگئی۔

لیاقت آباد سندھی ہوٹل ندی کے قریب پولیس مقابلہ

لیاقت آباد میں مبینہ پولیس مقابلے میں 2 ڈاکو زخمی ہوگئے۔ پولیس کے مطابق زیر حراست زخمی ڈاکوؤں کی شناخت30 سالہ اویس اور 28سالہ جلیل کےنام سےہوئی ہے۔