خیبرپختونخوا میں جامعات کی اراضی خریدنے والوں کے گھر مسمار کرنے کا اعلان
خیبرپختونخوا میں جامعات کی اراضی فروخت کرنے کا معاملہ سنگین رُخ اختیار کر گیا ہے، مئیر مردان نے جامعات کی زمینیں خریدنے والے کے گھر کو مسمار کرنے کا اعلان کردیا ہے۔
خیبرپختونخوا میں جامعات کی اراضی فروخت کرنے کا معاملہ سنگین ہوگیا ہے۔
جامعات کی زمین فروخت کرنے سے متعلق میئر مردان حمایت اللہ میار کی ایک ویڈیو سامنے آئی ہے، جس میں مئیر ضلع مردان حمایت اللہ مایار کہتے دکھائی دئے کہ کسی نے جامعات کی زمینیں خریدنے کی کوشش کی تو اس کا گھر مسمار کریں گے، زمینیں خریدنے والوں کے پیچھے بندوق اور ڈنڈوں سمیت جائیں گے۔
انہوں نے کہا کہ مردان کے بچوں کا مستقبل ہم کسی کو فروخت کرنے نہیں دیں گے، لڑائی یا موت بھی بیچ میں آئے تب بھی زمینیں بیچنے نہیں دیں گے۔
وزیر برائے اعلیٰ تعلیم مینا خان آفریدی نے مئیر مردان کے بیان پر ردعمل دیتے ہوئے کہا کہ عوامی نیشنل پارٹی جامعات کی زمینوں کے مسئلے پر سیاست کررہی ہے، مئیر مردان کو اس کی اجازت نہیں دیں گے۔
Comments are closed on this story.