لاہور کی انسداد دہشت گردی عدالت نے باٹا پور میں پانچ سالہ فجر کے اغوا برائے تاوان اور قتل کے مقدمہ میں ملزم کاشف رضا کو 12 روز کے جسمانی ریمانڈ پر پولیس کے حوالے کر دیا ۔

انسداد دہشت گردی عدالت عدالت کے جج نے کیس پر سماعت کی۔ تفتیشی افسرنےملزم کاشف رضاکواےٹی سی میں پیش کیا گیا۔

تفتیشی افسرنے عدالت کو بتایا کہ ملزم کاشف فجر کے گھر کے سامنے رہتا تھا اور بچی کے والد راشد کا دوست تھا ۔

تفتیشی افسر کے مطابق کاشف نے 5 سالہ فجر کو تاوان کے لئے اغوا کیا، ملزم نے بچی کو گلہ دبا کر قتل کیا اور لاش جنگل میں پھینک دی۔ بچی کی کچھ ہڈیاں اور خون آلود کپڑے ملے ہیں ، لاش کی لاش کے باقی اعضاء برآمد کرنے ہیں۔

تفتیشی افسرنےملزم کے30دن کے جسمانی ریمانڈ کی استدعا کی جس پر عدالت نے ملزم کاشف رضاکا12دن کاجسمانی ریمانڈ منظور کر لیا۔